يا شارب الدخان كان أنت توحين=ون طعت شوري اليوم خله


ترى التتن وأنا أحمد الله معافين=عله ترى ما بعدها اليوم عله


هذا كلام صايب واسمعه زين=ما فيه هفوات ولا فيه    زله      


خلك شجاع وابتعد عنه هالحين=شف اللي غيرك جربه وش حصله


ضيق التنفس والسدد بالشرايين=ياللي تشوفه من فضايلك قله


مسكين ياللي تجهل العلم مسكين=خليت صدرك للنفايات سله


الله يفكك يا ابن الاجواد آمين=من طلعه يا جعل ربي يذله


مضيع ما لك وصحتك والدين=كانك تبي درب السعادة تدله


في مركز(1) مفتوح بابه من سنين=أكيد سامع فيه وتعرف محله


ثقافي وصحي ولا فيه تدخين=فيه  الرياضة  عندنا ما   تمله


تدخل مع الهدلق(2) تسوي تمارين=تاصل مواصيل الي غيرك موصله


من اللياقة والرشاقة    مع اللين=وتمثل المركز بالألعاب  كله


نعطيك درع (أو تدري) نعطيك درعين=وصورك تطلع عندنا بالمجله


      أن طعتنا قدرك على الرأس والعين=وألا على بلواك ندعي لك الله